Si tu gli sente,

save de tutte,

‘nzin ‘ a che serve

… ‘nzogna i presutte.

"Senza sudore,

vè gliu sfacèle,

fatica i core

portane ‘n ciele."

Isse, p’rò, vìvene

ben reputate,

màgnene i bìvene

giammai sudate.

La vita vera

la po’ canosce

chi man’ i sera

suda i n’n cioscia,

No chi cammina,

joca i folleggia

dalla mmatina

‘ncoppa alla seggia.

Fede i puglitica

Vave a dueglia,

senza la pratica

sparan a treglia,

Pirciò scutàteme

ca sta’ sunata

la fece pàteme

quann’jea a jurnata:

"Passa gliu tempe,

s’ammoscia gliu fiore,

cagna la luna,

la terra, gliu sole.

Cagna gliu tempe,

se smorza gl’ardore,

passa la fame,

la sete, gl’amore.

N’n cagna i n’n scorre

P’ nua la fatica,

sule se more

poi dirla fernita."

E’ ‘na condanna

Dura, feroce,

‘na corda ‘n ganna,

‘na brutta croce.

Prèvete i sìneche

Te la cundìscene,

‘nzèma agliu mmèdeche

te rembambìscene.

Tu le capisce,

su’ fessarìe,

ma po’ subisce

le purcarìe

Ne parlò Mamma,

le dèsse Tata,

chi cchiù ne smamma

s’arricca i sbafa.

Ne parlò Tata,

le dèsse Mamma,

cchiù gliele sfate,

cchiù te ne smamma.

Pirciò mo mettete

L’ànema ‘n pace,

cu ‘ssi giannìzzere

meglie che tace.

Putrai parlà

De crude i còtte

Sule p’ fa

Gliu quarantotto.

E’ ‘n ‘uccasione

Bona, gustévele,

ch’ ha longa còva

sott’alla cénere.

Ce vo’ gliu tempe

P’ s’ scuppa’,

I tu, ‘ntramentre,

penz’a cantà:

"P’ chi magna i chi s’abbuffa,

chi straparla i chi custiona,

chi panogne i chi s’arruzza,

n’n c’è cchiù niente ch’ funziona.

P’ fortuna c’è Petrucce,

ca fatica jorne i notte,

cu Benigne, comm’a ciucce,

poca biada i tante botte".

"I ‘nzin’ a quante pazienza n’n scappa,

magne, fatiche i protegge la cappa.

Ca se desse scappà la pazienza,

n’n v’assicure la bbona creanza!"

Basta pì mò,

ca già facce fatica,

tenghe le fregne,

me facce ‘na pica!"