Frateme Giuvannine

Gli’albere erene perse le foglie, gliù vente le faceva  ruzzela’ come a carte de caramelle, tutte già stevene a  caccià gli cappotte daglie armadie, chi gli teneva,  gl’inverne era alle porte.  Ca iurnata de sole, pallide, ancora se  resceva arrubba’ ma alle cinche de gliù  pumeriggie già era notte. Du vagliune dagliu bivie cu nu passe lente  s’avviavene alla Stazione degli trene: chiglie  sicche cu na faccia scarnita, teneva na  barba quase bionda i puteva tene’  vint’anne; gli’avete ‘nvece teneva du baffe  alla mongola la faccia chiù rotonda se  vedeva ca teneva nu pare d’anne di chiù.  Tenevene gli capiglie longhe come agli  Beatles, chiglie sicche guardava l’ombra sia  ‘nterra che quanne gliù sole s’annascunneva  essa spareva, gli’avete cu gli baffe ogni  tante cagnava mane pe gliù pise de na  valiggia de cartone, na specie de borza  grossa cu nu poche de pagne misse accussì  a come capita, i via.  Giuvannine parte pe l’Irlanda. Si è propria isse, chigliu beglie vaglione cu  gli baffe bionde, che nen ce la faceva chiù a  cunta’ le macchine assettate ‘ngoppa agliu  bar de Carle Munne. Gliù trene era arrivate,  me staccaie da frateme cu na paura ma cu  na voglia de me ne i ‘nziema a isse.  Che curagge! Da sule senza mamma né padre senza  frate! Me girai pe nen me fa vede’ chiagne  pe fa gliù toste ma la gente s’accurgive de  gli occhie chine de lacrime. Gliù 128 camminava senza sape’ addò i: gli albere a  destra i sinistra me venevene ‘ncontre, pure le gomme  alle curve chiagnevene, ne steva a capi’ chiù niente,  frateme se n’era ite “emigrante” come a nat’i cente, ma  quande è revenute nen gli anne chiamate chiù Giuvannine  ma Johnny. Aldo Iorio  Dicembre 2015